Jako Tio

1.               JAKO  TIO.

Penatai Asal Dayak tu siti ari beberapa bup ke ditulis Watts. Iya tau nyadi ka papan turai sida ke deka nemu asal penatai Iban ke dalam agi iyanya luar ari menoa Sarawak. Bakani ko Iban tau datai ke Pulau Borneo ari menoa bukai. Ba bup tu mega Watts mai kitai ninjau pendiau pengidup orang ke baka bansa Iban tauka Dayak di seluruh Dunya tu lebih agi baka Dayak di Indo-China, North-East India, Pakistan, Taiwan, Filipin, Pulau Flores, Sumatra, Kalimantan, Papua New Guinea, Russia, Red Indian di Amerika Utara, Sungai Amazon di Amerika Latin enggau Sunggai Nail di Afrika. Jako Dayak dikena Watts nyebut semoa bansa di seluruh dunya tu ke diau di menoa ulu, idup sebelah babas lalu ngibun pendiau pengidup ke nyauka baka bansa Dayak di Borneo tauka “indigenous peoples” ba jako Ribai.

Tu angka keterubah bup nguraika pasal pengidup semoa bansa ke nyauka baka gamal Dayak di seluruh dunya digaga orang. Bup tu tau disebup Baru Ngepun, nya alai utai ke dibantai ba bup tu maioh timpang, begunaka orang ke landik kechundai ujung jari nyeruri iya. Begunaka selidik lebih dalam agi. Kemaioh cherita diambi Watts ari internet ngena jako Ribai enggau Raja Merom, lalu nya kena Watts nanda ka kitai Iban udah nyadi bansa ke Universal ulih idup diau ba seluruh dunya ngena jako bansa bukai lalu ulih bekaul berandau enggau Dayak bukai di seluruh dunya tu.

Tuju ati Watts kebendar ngaga bup tu iyanya iya deka nguji ngepun mansutka penemu awakka semoa mensia di dunya tu ke nyauka baka gamal Dayak jampat agi ngelala panggan diri, jampat agi beambu diri menyadi, jampat agi beserakup enggau panggan diri, jampat agi badu ngibun runding jai ngagai pangan diri, lalu berunding ngiga jalai ke manah ngaga gerempung awakka tau betulong panggan diri nuju pemansang nitihka singkang pengidup orang kemaiaritu. Arinya Watts andal amat ati enti bala ASEAN tauka UN ngaga Gerempung Dayak ASEAN tauka Gerempung Dayak Sedunia awak ka bala Dayak bisi pengari ba gerempung nya laban sida tu tau dikumbai kitai ‘special group’ iyanya mensia ke idup ba dunya tu ke paling iya dudi civilize serta paling iya tinggal dalam modernization. Ari gerempung ke bakatu bansa Dayak senang agi ninjau penusah sida lalu ngiga jalai ke muntang agi ngaduka penusah nuntung sida.

Bansa Dayak dikumbai Watts mensia ke paling merinsa, paling dudi nemu pemansang, mensia ke agi idup ba Third World tauka Pengidup Mensia Kono, bedau bertamadon, agi idup ngena chara kelia ke diau sebelah babas ngidupka diri. Sida baka ke nadai bisi negara ke diri empu, baka ke agi numpang ba orang laban sida agi dipegai bansa bukai, selalu dipinggir perintah sida ari segi pemansang, selalu kena tekan perintah ke megai sida. Sida maioh kena punaska orang ke datai ke menoa sida ke ngujungka sekeda sida nyau deka punas. Arinya sida dikumbai ethnic minoriti ba siti-siti negara ba dunya tu. Orang ke datai nya lalu merintah menoa sida. Ari penusah bakatu sida sigi patut diberi “perhatian yang kursus” tauka diberi pengari ba setiap iti gerempung ba dunya tu baka UN, ASEAN enggau gerempung ke bukai. Ngena chara ke bakatu, dunya ulih meri peluang ngagai sida mantai ke penusah sida ngagai orang bukai sechara langsung, ukai melalui perintah sida ke betuaika bansa bukai. Ngena chara bakatu mega penusah sida deka nenak agi ditusi, chara kena ngupas penusah sida betul agi digaga ke ngujungka penusah sida jampat agi diselesaika mensia maioh. Ditu Watts enggau ati andal ngarapka sida ke kaya ba dunya enggau bekuasa tau murah ati serta sinu ati lalu nulung bansa Dayak ngepunka gerempung dunya sida. Watts mega ngarapka sapa kompani tauka individu ke ngereja tauka ngambi pengaya ba menoa ke endor bansa Dayak tu diau tau bebinchang enggau gerempung tu ngaduka pengawa ngena chara ke lebih agi adil.

Tempat pendiau 300 Juta bansa Dayak di Dunya

Dayak Association In Borneo & The World.

  Rampa menoa Nusantara & Australia maia Batu Kudi (Ice Age = 50,000 years ago)

Rampa Dunya Zama Batu Kudi

Watts mega ngading pengarap lama bansa Dayak, maia pengidup sida agi kono tauka uncivilized. Sida kena pengaruh Antu ke jai. Semoa sida ngibun pengarap Pagan, Animism tauka Polythestic ke nyembah maioh antu. Antu ke jai tu dikumbai Watts bala Satan ke kepapaska bansa Dayak. Bala Satan tu udah lama amat ngerusak bansa Dayak enggau penapat inat naka iya pengenyai. Bala Satan tu meri sida pengaruh ngasuh berani munuh panggan diri. Pala ke ulih sida asuh Antu jai tu disalai nyadika tropi ke nyadika tanda pengawa ke salah ke udah dikerja bansa Dayak serta mega nyadika tanda bala Satan ke udah mempengaruh pengidup bansa Dayak ngereja utai salah. Antu ke jai nya mega ngajar sida besumpah ngenjaika panggan diri, meri ubat kena ngerachun panggan diri, meri jayau ngulihka ukai semina indu dara aja tang bini orang, nyumpah bansa Dayak tau tepang, ngaga penti-pemali awakka bansa Dayak terus nyembah sida. Bala Satan tu ngajar bansa Dayak nyembah sida ngena jalai ke kamah serta tusah. Bala Dayak asuh sida nyadi manang, nyadi beliau, munuh manuk, babi, chapi bepuluh iko kena nyembah sida ba tuchung, ba sungai, ba gua, ba puchuk kayu enggau maioh chara ke tusah dititihka. Enti enda bakanya, bala Satan tu nganu sida, nyumpah sida serta ngerusak pengidup sida. Semoa utai tu dipadahka bala Satan dalam mimpi tauka enggau mata nyeruga. Diatu maioh sida udah nemu Jesus.

Ari pengawa bala Satan ke bakatu, dia Watts mai kitai Dayak besembahyang minta Tuhan, Allah Taala, muai bala Satan tu ari menoa Dayak lalu ngetuka pengawa Satan ke mempengaruh bansa Dayak nuju utai ke salah serta nulong nguta bansa Dayak awakka bala Satan tu badu agi ngerusak bansa Dayak, ngajar sida ngerja pengawa ke enda manah. Watts mega mai kitai besampi awakka Tuhan Jesus ngampun penyalah bansa Dayak ke udah dipengaruh bala Satan ngerja utai ke kamah serta nagang dusa aki-ini sida ke salah enda nemuai ngagai bala Dayak ke dudi idup. Watts mega mai kitai besampi awakka Ruh-Kudus ngunsur setiap iko bansa Dayak laban enggau darah Jesus Kristus kitai besembahyang nyengkelan setiap iti menoa Dayak di dunya tu awak ka menoa enggau bansa Dayak bebas ari belenggu penggaruh bala Satan enggau dusa aki-ini sida ke udah ngerja utai ke kamah. Enggau darah Jesus bala Dayak mega tau bulih berkat ari Allah Taala lalu idup meruan baka orang bukai, begulai diri sama diri baka diri menyadi badu agi kepapas serta bebunuh diri sama diri. Ari nya kitai besampi ka sida ulih ngibun pengarap ke tegap serta lurus nuju pemaik badu agi belaya diri sama diri lalu ulih idup aman damai begulai sejalai enggau semoa mensia di dunya tu enggau chara ke lebih adil.

Penatai asal Dayak tau diambi kitai ari pun penatai dua bengkah penatai mensia ke mindah ari Afrika ke menoa bukai. Sebengkah iyanya bansa Negroid ke asal datai ari menoa Afrika lalu rembus ke Asia nengah tebing tasik. Sida tu enda makai asi, makai empasa. Tubuh chelum, buk bekeriting, mulut belabi, idung tebal. Sida tu nyerumba gamal Orang Asli di Malaya, bansa Timur di Indonesia enggau bansa asal di Papua New Guinea. Sebengkah agi iyanya ari raban Mongoloid di Yunnan di menoa China. Sida tu purih orang ke makai asi serta bumai mai benih kediri empu lalu bela begawai ka padi ke udah ulih. Tubuh sida kuning lensat. Bisi ga sida putih baka Jipun. Sida tu ke nyerumba gamal kitai Dayak.

Penatai sida ke pulau Borneo maioh chara. Bisi nya ngena darat maia ai agi pabu iyanya zaman ais bepuluh ribu taun ke udah lalu. Bisi nya datai beating-ating ngena kayu ke mit-mit tauka akit ngelayang ke siti-siti pulau ke semak. Siti iyanya zaman nyau dudi agi angka kena bai bala saudagar ngayuh ke perau ke besai, singah ba Borneo, ningalka diri lalu jadi enggau orang asal. Ba pulau Borneo kitai ngerekai ngagai pelusuk menoa Borneo endor siti-siti suku kaum Dayak tau nyadi. Runding tu ke nyadika penyanding penemu Watts nusi penatai kitai Dayak ari menoa bukai datai ke pulau Borneo.

Setakat kediatu bedau bisi orang udah belajar mansik penatai asal Iban sechara professional, menyeluruh enggau formal. Bala ketuai kitai Iban enggau ketuai menoa Malaysia bedau bisi runding ngaduka pansik ke bakatu. Angka ungkus kena belajar serta mansik penatai asal Iban ngena chara formal serta professional nadai ba agenda tauka polisi sida ke merintah. Tang pansik tu patut endar digaga.

Ba bup tu Watts bisi ngelansa mimit rapuh tulang mensia ke dulu amat ditemu di Afrika, China enggau di Pulau Flores ke tau nyadi ke mensia ke bisi bekait jalai pendiau enggau Dayak. Udah nya Watts ninjau mensia kono ke nadai bisi adat enggau culture, agi baka pendiau jelu, datai ke pulau Borneo ke tau nyadi sebengkah ari suku kaum Dayak.

Watts mega bisi ngambi cherita Raja Dayak Kutai ke tau endar nyadi ka pun penumbuh suku kaum Dayak siti-siti di Borneo. Cherita Prono Melayu enggau deuto Melayu mega bisi pansa pasal penatai bansa Iban.

Ditu mega Watts bisi ngenang asal penatai padi enggau orang ke keterubah iya makai asi, orang terubah iya bumai serta orang ke terubah begawai ka padi baka kitai Dayak. Ditu mega Watts ngenang orang ke sama enggau Dayak ba pengawa gawai, ngayau ngulihka Antu Pala, beranyam, betenun, bepantang, begari, belanjang enggau chara pengidup ke bukai.

Watts tau dikumbai kitai ngena spelling iya empu ke udah dipelajarka iya agi ba mangku sekola kelia. Iyanya spelling baru bechampur enggau spelling lama. Kebuah pia laban spelling kitai Iban agi tau diseruri. Maioh utai perlu diseruri kitai. Ngambika banding spelling seruri iya ke patut iyanya seruriq. Spelling kelia sepatutnya keliax. Spelling jako sepatutnya jakoc. Watt ukai deka ngelubaka diri ngubah spelling kitai Iban tang nya utai patut dipikir serta dipansik kitai dalam agi laban sigi enggai nyadi utai dua iti diberi sama spelling sedangka sebut, bunyi enggau reti iya jauh amat lain. Chontoh ke nyemetak amat iyanya raga (lalau) enggau raga (mak sandik ke mit). Raga, mak sandik ke mit tau tukar kitai ngagai ragag tauka ragaq. Mandi tau ditukar ngagai mandix. Ari kitai ke nguna spell bakanya kitai Iban ulih nguna maioh agi hurup laban Q, X, Z, V nyau ulih dikena kitai nyepil semoa utai laban ngelamatu hurup Q, X, Z enggau V tu nadai dikena kitai ba spelling jako Iban. Ba Iban Saribas spelling jakoc sigi patut JAKU laban sida enda nemu nyebut O. Tang Iban ke bukai enggai nyadi. Bakanya mega spelling ke bukai. Anang ngaga spelling jako Iban tepantut ba jako Iban ari Iban ke datai ari ai siti aja. Beri meh jako Iban lebih universal nitih ka semoa pupu bansa Iban. Lebuh kitai nukar spelling kitai Iban ngena Q, X, Z tauka V, mula iya baka ke nyelai asaike baka spelling German tauka Russia laban kitai nadai kala ngena Q, X, Z enggau V tang udah kitai terasi enggau spelling nya iya tau ngemudahka kitai nyepil jako Iban lebih tersusun.

Bisi ga mensia deka ngena Tugay nyepel spelling Iban baka Raga nyadi Raga’. Ba aku anang sekali laban nya ngerusak pemansang jako Iban lebih agi ari segi sain enggau teknoloji lebih agi ba bidang computering system. Utai tu udah nyadi ba menoa bukai baka menoa Vietnam. Sida terpaksa bebuai bebillion ringgit kena ngubah system computer sida. Nyadi kitai Iban nadai duit ngereja utai bakatu.

Teori asal usul nenek muyang bansa Nunsanteara (Pulau ba S.E.Asia).

Nitih ka pansik bala ari Indonesia, mensia ke datai di Nunsantara tu datai ari dua kelompok iyanya Proto Melayu enggau Deutro Melayu. Proto-Melayu tauka Melayu-tua, tu sida ke pindah ari tanah besai ngagai Nunsantara dalam kandang 25,000 BC. Sida tu maioh agi bansa Toraja (Sulawesi Selatan), Sasak (Lombok), Dayak (Borneo), Batak (Sumatera Utara), Nias (pantai barat Sumatera Utara), Rejang, dll. Sida mindah ngena darat maia Batu Kudi (Ice Age). Iya ke dua iyanya Deutro-Melayu tauka Melayu-muda, bala sida ke datai ari tanah besai ke mindah ka diri ke Nunsantara dalam taun 1,500 BC. Sida tu kemaioh agi bansa Aceh, Minangkabau, Jawa, Sunda, Melayu, Betawi, Manado, Bali. Sida mindah ngena perau.

Ari segi jako tauka linguistic, proto-Melayu enggau Deutro-Melayu tu bela ngibun pun jako ke sama penatai ke dikumbai orang rumpun Austronesia. Proto-melayu tu kemaioh agi bala sida Negrito ari menoa Afrika ke udah pindah ke Nunsantara. 10,000 BC, sida Negrito tu sigi udah bisi ba Nunsantara.

Siti da raban Proto-melayu tu iyanya bala mensia ke pindah ari menoa Mongolia tauka China. Sida tu alah laban orang ke kuat agi di menoa Mongolia enggau China lalu ngelarika diri ke Selatan nuju Taiwan sebedau sida ke Nunsantara. Ba Nunsantara dua bengkah mensia tu betemu bisi nya betampil beringap enggau panggan diri.

Deutro-melayu nya sida ke datai dudi agi ari tanah besai, baka ari menoa India, Champa enggau China. Sida tu maioh betampil enggau bala proto-melayu. Sida tu lebih maju agi nya ke ngasuh maioh bala ari proto-melayu nunda chara pengidup sida Deutro-melayu.

Proto-Malay: Also known as Melayu asli (aboriginal Malays) or Melayu purba (ancient Malays), the Proto-Malays are of Austronesian origin and thought to have migrated to the Malay archipelago in a long series of migrations between 2500 and 1500 BC. The Encyclopedia of Malaysia: Early History, has pointed out a total of three theories of the origin of Malays:

·       The Yunnan theory, Mekong river migration (published in 1889) - The theory of Proto-Malays originating from Yunnan is supported by R.H Geldern, J.H.C Kern, J.R Foster, J.R Logen, Slamet Muljana and Asmah Haji Omar. Other evidences that support this theory include: stone tools found in Malay Archipelago are analogous to Central Asian tools, similarity of Malay customs and Assam customs.

·       The New Guinea theory (published in 1965) - The proto-Malays are believed to be seafarers knowledgeable in oceanography and possessing agricultural skills. They moved around from island to island in great distances between modern day New Zealand and Madagascar, and they served as navigation guides, crew and labour to Indian, Arab, Persian and Chinese traders for nearly 2000 years. Over the years they settled at various places and adopted various cultures and religions.

·       The Taiwan theory (published in 1997) - The migration of a certain group of Southern Chinese occurred 6,000 years ago, some moved to Taiwan (today's Taiwanese aborigines are their descendents), then to the Philippines and later to Borneo (roughly 4,500 years ago) (today's Dayak and other groups). These ancient people also split with some heading to Sulawesi and others progressing into Java, and Sumatra, all of which now speaks languages that belongs to the Austronesian Language family. The final migration was to the Malay Peninsula roughly 3,000 years ago. A sub-group from Borneo moved to Champa in modern-day Central and South Vietnam roughly 4,500 years ago. There are also traces of the Dong Son and Hoa bin hian migration from Vietnam and Cambodia. All these groups share DNA and linguistic origins traceable to the island that is today Taiwan, and the ancestors of these ancient people are traceable to southern China.

Deutero-Malays: formed when migrant from mainland Asia of the hilly region from east end of Himalaya to somewhere in now Yunnan, China assimilated

The Deutero-Malays are Iron Age people descended partly from the subsequent Austronesian peoples who came equipped with more advanced farming techniques and new knowledge of metals. They are kindred but more Mongolised and greatly distinguished from the Proto-Malays which have shorter stature, darker skin, slightly higher frequency of wavy hair, much higher percentage of dolichocephaly and a markedly lower frequency of the epicanthic fold. The Deutero-Malay settlers were not nomadic compared to their predecessors, instead they settled and established kampungs which serve as the main units in the society. These kampungs were normally situated on the riverbanks or coastal areas and generally self-sufficient in food and other necessities. By the end of the last century BC, these kampungs beginning to engage in some trade with the outside world. The Deutero-Malays are considered the direct ancestors of present-day Malay people. Notable Proto-Malays of today are Moken, Jakun, Orang Kuala, Dayak, Temuan and Orang Kanaq.

A more recent theory holds that rather than being populated by expansion from the mainland, the Ice Age populations of the Malay peninsula, neighbouring Indonesian archipelago, and the then-exposed continental shelf (Sundaland) instead developed locally from the first human settlers and expanded to the mainland. Proponents of this theory hold that this expansion gives a far more parsimonious explanation of the linguistic, archaeological, and anthropological evidence than earlier models, particularly the Taiwan model. This theory also draws support from recent genetic evidence by Human Genome Organisation suggesting that the primary peopling of Asia occurred in a single migration through Southeast Asia; this route is held to be the modern Malay area and that the diversity in the area developed mainly in-place without requiring major migrations from the mainland. The expansion itself may have been driven by rising sea levels at the end of the Ice Age.

Proponent Stephen Oppenheimer has further theorised that the expansion of peoples occurred in three rapid surges due to rising sea levels at the end of the Ice Age, and that this diaspora spread the peoples and their associated cultures, myths, and technologies not just to mainland Southeast Asia, but as far as India, the Near East, and the Mediterranean. Reviewers have found his proposals for the original settlement and dispersal worthy of further study, but have been sceptical of his more diffusionist claims.

There is no definite evidence which dates the first Indian voyages across the Bay of Bengal but conservative estimates place the earliest arrivals on Malay shores at least 2,000 years ago. The discovery of jetty remains, iron smelting sites, and a clay brick monument dating back to 110 AD in Bujang Valley, shows that a maritime trading route with south Indian Tamil kingdoms was already established since the 2nd century AD. The growth of trade with India brought coastal people in much of the Maritime Southeast Asia into contact with the major religions of Hinduism and Buddhism. Thus, Indian religions, cultural traditions and the Sanskrit language began to spread across the land. Temples were built in the Indian style, local kings began referring to themselves as Raja and more desirable aspects of Indian government were adopted. The beginning of common era saw the rise of ancient Malay states in the coastal areas of Malay peninsula and Sumatra; the Red Earth Kingdom, Negara Sri Dharmaraja, Gangga Negara, Langkasuka, Kedah, Malayu and Srivijaya. Between the 7th and 13th centuries, many of these small, often prosperous peninsula and sumatran maritime trading states, became part of the Srivijaya mandala, a great confederation of city-states centred in Palembang, Kadaram, Chaiya and Ligor.

Srivijaya’s influence spread over all the coastal areas of Sumatra and the Malay peninsula, western Java and western Borneo, as well as the rest of the Malay Archipelago. Enjoying both Indian and Chinese patronage, its wealth was gained mostly through trade. At its height, the Old Malay language was used as its official language and became the lingua franca of the region, replacing Sanskrit, the language of Hinduism and Buddhism. The Srivijayan era is considered the golden age of Malay culture.

The glory of Srivijaya however began to wane after the series of raids by Indian Chola Empire in the 11th century. By the end of the 13th century, the remnants of the Malay empire in Sumatra was finally destroyed by the Javanese invaders during the Pamalayu expedition (Pamalayu literally means: war against the Malayu).

Pemindah Mensia.

Max Ingman, siko bala pemansik penatai mensia bisi madah, semoa mensia modern ke bisi idup ba serata tempat di dunya tu sigi datai ari menoa Afrika. Sida belabuh ngerekai pindah ke menoa bukai dalam kandang 100-200 ribu taun ke udah lalu.  Sida pindah ari Afrika bisi dua iti jalai. Siti jalai nengah sungai Nail, ngelayang Semenanjung Sinai lalu nuju ke menoa Arab sebedau ngerekai ke menoa Asia ke bukai. Ba Central Asia sida lama mendam dia sebedau pechah ngerekai ngagai menoa bukai baka Europe, Rusia, India, China, S.E. Asia, Australia enggau America. Sida ke Europe dikumbai orang ke landik pasal mensia Causaoid. Sida tu tau dikumbai Orang Putih. Causaoid tu maioh ngerekai ke menoa Europe enggau menoa Arab. Sida ke Asia dikumbai Mongoloid. Sida tu tau dikumbai Orang Engkerebai, laban kulit sida merah engkerebai. Mongoloid dibagi ngagai Northern Mongoloid (Tunguse) enggau Southern Mongoloid. Tunguse maioh ngerekai ke Amerika lalu Southern Mongoloid ngerekai ke pulau ba Pasifik.

Raban kedua sida nerasa Tasek Merah sebedau ke Asia. Sida bedarat nebing tasek laban nyamai agi ngulihka pemakai baka siput enggau ikan tasek. Sida tu laju agi serta dulu agi bejalai mindah ari sida bukai. Sida tu nadai nemu betanam betupi. Sekeda sida ke pindah tu netap ka diri ba menoa ke dipansa sida lalu seraban agi nyambung penjalai sida ngiga menoa baru nuju ke timur. Kemaioh agi sida tu kaum Negroid. Sida tu tau dikumbai Orang Chelum. Ari tanah Asia mega bala Mongoloid enggau Negroid tu agi nampung penjalai sida lalu ngerekai ke menoa America enggau pulau ba Pasifik. Sida mindah baka jelu, nemu nyidi abi kaki jelu ke bejalai, nemu ensium bau jelu, nya kebuah sida mudah serta laju bejalai ngagai menoa bukai. Sida nitihka jalai jelu ke ditemu sida. Bala Mongoloid enggau Negroid tu mensia keterubah nyerungkai kampong jerung, sungai empalai menoa Amerika Utara, Amerika Latin, Kanada, Australia, New Zealand enggau pulau ba tasek Pasifik. Nya alai sida dikumbai orang asal menoa nya.

Ari pemindah mensia tu dia kitai mensia bisi ngerekai nyadi tiga iti chabang ke besai, iyanya Caucasoid tauka Euroid, Mongoloid enggau Negroid. Causaoid nya masuk kaum Aryan, Semitic, Hamitic. Negroid nya baka African Negro, Khoikhoi, Melanesian, Negrito, Australoid. Mongoloid nya baka North Mongol, Chinese, Indichinese, Japanese, Korean, Tibetan, Malay, Polynesian, Eskimo enggau American. Bisi ga siti ke bedau temu saintis ba kaum iyanya baka Dravida & Sinhalese. Pia mega purih kitai mensia tu tau dipeda ari buk sida. Saintis mega madah kitai ulih meda genetic tauka DNA siko-siko mensia ari lambar buk sida. Empat gaya buk ke laris amat dipeda iyanya buk keriting chelum, buk lurus chelum, buk lurus pirang enggau buk keriting pirang. Buk keriting angka bala negroid, buk chelum lurus angka bala mongoloid enggau buk lurus pirang angka bala Caucasoid. Keriting pirang Malenasia. Udahnya nyau nyadi ka champur mensia idup. Buk setenggah geriting setengah lurus chelum tauka pirang. Sida ke pirang buk enti udah buban nyauka putih serapat bulu pala, enda betingkat tingkat baka sida ke buk chelum.

Kaum Negroid ke mindah ke India, S. E. Asia, pulau-pulau ba Pasifik enggau ke Amerika datai maia tasik agi pabo ulih kelayang enggau akit. Sida bedau bisi duku kena ngaga perau. Sida tu udah lama datai ke S.E. Asia, pulau-pulau pasifik enggau Amerika. Ke Amerika sida nerasa tasek Bering. Sida tu ke nyadi Dayak kulit chelum ba menoa S.E. Asia, Pulau-pulau pasifik enggau America baka bansa Senai, Timur, Dayak Papua New Guinea, enggau orang Oborigin di Australia. Maia mensia udah nemu merau tauka belayar, sida tu selalu diguna bala jeragan kapal nyadika kompas sida nunjukka tungga menoa, urung tasek enggau nama pulau-pulau ari timur tenggah sampai ngagai menoa Amerika. Tu mega maia Deutero Melayu mindah ari tanah besai Asia ngagai pulau-pulau di Nunsantara. Sida tu selalu diguna bala deuteron-malay belayar nyadika kompas sida nunjukka rampa menoa enggau nama pulau siti siti.

Maia sida udah nemu ngaga perau, iyanya berengkah 2,000 taun ke udah lalu, dia bala mensia ke diau ba Tanah besai Asia bisi belelang ngena perau lebuh tasek pasifik teduh. Sida ke merau nya jauh pejalai sampai ngagai New Zealand nerasa pulau ke mit-mit ba Seperade Island nyangkaum pulau Hawai, Solomon enggau Tonga. Sida merau bebala maioh bebaika indu enggau anembiak. Sida singah ba pulau ke pansa endor ngiga pemakai. Bisi sekeda lalu ningal ka diri ba pulau ke pansa sida lalu beranak beresak nyadi orang asal menoa nya. Ai Tasek Pasifik kadang-kadang baka dulang enti maia ari manah. Pemanah hari ke bakatu sampai bebulan. Nya ke ngasuh bala sida tu nyamai bejalai ngena perau ke mit ngelayang tasek pasifik. Sida tu ari purih Malenasia nyengaum Dayak Moari, Hawai enggau Solomon. Ari pulau ke mit-mit ba Tasek Pasifik, sekeda sida bisi rembus ke Amerika Latin. Sida tu ke bisi betemu enggau Christopher Columbus ke meri iya barang mas enggau barang engkaraju.

Bala mongoloid ke datai ke Sundaland enggau sahul ke nyadi Dayak ngena tiga iti chara. Keterubah iyanya bala bansa Miao ke lari ari menoa Yunnan nurun ke menoa Taiwan, mansa Filipin lalu tepejuh ba pulau Borneo. Siti agi iyanya bala raban Miao ke lari nuju tungga menoa Indochina, ngili sungai Mekong lalu tepejuh ngagai Borneo. Sida toc agi maia Sundaland tauka maia tanah besai Asia ke agi bejantil enggau Sahul tauka Australia ko jakoc kemaiaritoc. Sida tu pindah tau dikumbai kitai maia proto-Malay, dalam kandang 50-15 ribu taun ke udah lalu. Udahnya sida bisi temengkang ba pulau-pulau laban ai tasek nyau dalam sedalam sida nyau enda ulih bedarat agi. Bisi sekeda ngena chara beating enggau akit ngelayang ngagai sida ke temengkang. Ngena chara nya sida bekaul enggau panggan diri. Nyau kelama sida nyau enda ulih baensung agi lalu bepisah enggau bala ke di tanah besai enggau pulau bukai. Ditu sida maioh mati lalu lama idup kediri nadai begulai enggau orang bukai ba pulau endor sida temengkang. Pulau ke endor sida ke mengkang nya nyadi ke cherita ditusi sida ke tuai ngagai sida ke dudi idup ke ngujungka sida nemu endor tempat enggau nama pulau siti siti. Arinya ba chara ketiga iyanya maia mensia nemu ngaga besi kena ngaga perau, bala Miao tu dibai bala pelayar ngayuh ka perau sida serta nyadika kumpas sida ngagai pulau ba Nusantara. Ditu sida tingal lalu mai chara idup ke meruan agi.

Bansa Miao Di China.

Bansa Miao tu iyanya siti kelompok mensia ke dulu kelia besegau sebelah babas ba menoa Asia tauka Saberia nyengkaum menoa China. Sida tu orang ke dulu ditemu nguan menoa China. Dalam taun 25 Century B.C sida sigi udah bisi ba menoa China. Ba Yellow River ba tenggah menoa China sida betemu enggau sekelompok mensia ke pegai Xia Dynasty. Dia sida selalu bebunuh enggau Xia Dynasty tang selalu alah. Arinya sida pamar, pechah ngachir seluruh menoa China. Bisi nya rari ke sungai Mekong, rari ke Sungai Chaw Paraya, rari ke Taiwan. Bisi nya rari ke Sundaland. Sida ke rari ke Indo-china ngumbai diri bansa Hmong. Tu ke nyadika penumbuh bansa Dayak ba Indo-china ke dikumbai Hmong-Miao. Sida ke rari ke Sundaland tu ke nyadi Proto-Malay ke murihka bansa Dayak di seluruh menoa Nusantara tauka pulau-pulau ba South East Asia, baka Borneo, Sumatra, Malaya, Sulawesi, Papua enggau Filipin.

Udah penumbuh Han Dynasty dalam taun 206 B.C, perintah menoa China lalu ngumbai semoa bansa ke ukai bansa Han di China bansa Miao ke nyadi rakyat minority ba menoa China kediatu. Raban bansa Miao tu nyengkaum suku kaum Zhuang, Lisu, Lahu, Yi, Jingpo, Qiang, Dai, Bai, Naxi, Yao, Dong, Tujia, Hani, Va, Tu, Mulam, Blang. Diatu tubuh sida tu angka nyauka bisi 100 Juta ba menoa China. Diatu, kemaioh agi sida diau ba Tai Province ngelinggi bukit Yunnan iyanya ba South West China.

Bansa Miao raban bansa ke dulu makai asi, dulu betanam ka padi. Sida ngibun adat beburung, bemimpi, nyembah ruh aki-ini ke udah nadai, nyembah Antu Ai, Antu Kampung enggau Antu Bukit. Sida pechaya maioh macham antu. Sida ngibun adat bemanang ke betengauka batu ilau. Sida ngibun adat bepantun, bedungai, ngajat enggau maioh main asal ke bukai. Sida mega maioh ngibun perengka music baka engkerurai, sape, ruding, gong, tawak enggau gendang. Sida mega ngaga tenun, beukir tubuh, belanjang, besirat, begaga ka ma, bubu, sumpit, sangkuh enggau duku. Sida bekenaka simpai, rangki, marik, lanjang enggau gagong. Sida enda segulai enggau panggan diri suah bekayau pangan diri ngiga antu pala, nya ke ngasuh sida lemi maioh parai, mimit tubuh, mudah dialah ka orang bukai.

Penumbuh bansa Han tu datai ari Han Dynasty, laban siko ketuai ke benama Liubang di Yellow River di menoa China ke nyerakup semoa mensia ba menoa China. Udah ngerempong mensia ba China tu dia Liubang nitah diri nyadi Emperor lalu ngaga nama perintah iya Han Dynasty. Mensia ke dipegai iya lalu dikumbai bansa Han sampaika seharitu. Bansa Han kemaioh agi ari suku kaum Hakka, Hukien enggau Cantonese. Jako bansa Han tu iyanya Mandarin, Wu, Xiang, Gan, Min, Cantonese enggau Hakka. Tubuh bansa Han tu ke paling maioh ba dunya tu iyanya bisi 1.16 Billion. 99% sida diau ba China ke nyadi 92% ari semoa suku kaum ba menoa China. Diatu bansa Han tu bisi ngerembai ngagai menoa Europah, S.E. Asia, Australia enggau USA. Perintah Han tu bisi ngaga kaul bedagang enggau menoa Europah, Timur Tengah enggau India nengah jalai darat ke dikumbai sida Silk Road.

Sebedau penumbah Han Dynasty, bisi siko Emperor ke benama Qin Shi Huang ngaga ka diri empu perintah ke dikumbai bala sejarah Qin Dynasty ba China tang bedau tentu meruan, agi charut mensia agi berebutka kuasa, sida agi bebunuh pangan diri, bedau tentu segerempong. Pia mega sebedau Qin Dynasty tu, bala sejarah menoa China bisi ngumbai menoa China bisi udah ngaga perintah berengkah ari taun 2070 B.C. Perintah nya dikumbai sida Zia Dynasty ke disadang bisi nyadi ari taun 2070-1600 B.C., Shang Dynasty disadang tumbuh ari taun 1600-1050 B.C. enggau Zhou Dynasty ke disadang tumbuh dalam kandang taun 1050-221 B.C. Penumbuh perintah sida tu bedau ulih diterima bala pakar sejarah dunya laban nadai ditemu pun enggau ujung semina naka cherita tuai menoa China aja. Confucius ke nyadi pengajar adat, tuai penyanding penemu ngidup ka diri enggau chara merintah menoa idup maia Zhou Dynasty. Penumbuh bansa Miao tu udah dulu ari Zia Dynasty. Nyadi tu utai ke deka dikejako ka kitai laban bansa Miao tu maioh ngerekai ngagai menoa bukai lalu nyadi bansa Dayak ba seluruh dunya tu.

Dalam kandang taun 1100 A.C. siko anembiak ke benama Temujin ngempong mensia ke besegau ba menoa Mongolia. Udah iya besai iya nyadi ketuai ke ngelar diri Chinggis Khan tauka Genghis Khan ba jako kemaiaritu. Reti Chinggis Khan tu iyanya ketuai ke berani serta mangah baka serigala. Sida nyerang, ngerumpak serta mejal kaum bukai baka suku kaum Tatar tauka Manchu nyadika soldadu sida. Bisi siti perintah ke kaya serta maioh tubuh ba Northern China maia nya ke dikumbai Jurched Empire ngasuh Temujin nunduk serta nyembah raja sida. Temujin enggai serta ringat. Udahnya Temujin nyerang Jurched Empire ba Northern China. Jurched Empire alah lalu ngujungka menoa China dipegai bansa Mongol. Reta enggau pengeraja Jurched Empire diambi sida, bala ketuai Jurched Empire ditangkap diambi nyadi anak kuli. Udah perang tu bansa Mongol ke betuaika Temujin nyadi kaya serta kering agi bisi senyata enggau maioh perengka bukai ngidupka diri. Sida mega nunda teknoloji bansa China kena ngaga senyata. Arinya Genghis Khan ngemesaika perintah iya ba seluruh Dunya. Sida nyerang menoa Arab, Indo-china, ngaga kaul dagang ngagai menoa Europah enggau menoa Nusantara. Chara pengidup baka agama, kilang, sekola, technoloji enggau maioh chara pengidup ke bukai ke dipelalaika bansa China ngelamatu dikerembaika Genghis Khan ngagai tiap iti menoa. Arinya menoa bukai baka Europah, Arab enggau Asia nemu ngaga sutera, nemu ngaga pasu, nemu ngaga ubat senapang enggau maioh macham utai bukai.

Temujin mega ngaga undang-undang ngukum orang enchuri enggau badu beulun pangan diri. Iya nerima semoa agama lalu mensia maioh diasuh iya bebas milih agama kediri iya empu nadai besekat. Iya empu kala belajar ka agama Kristian. Kadang-kadang tiap iko ketuai agama ba dunya tu baka Kristian, Islam, Hindu, Buddha diasuh iya datai ke perintah iya bejuraika penemu pasal agama. Pengawa Genghis Khan tu ke ngasuh perintah iya tebilang serta maioh mempengaruh chara idup, purih pantih mensia kemaiaritu. Ditu meh darah China maioh ngambi darah Mongol enggau Manchu. Sida maioh betambil beringap jadi-melaki bini diri sama diri. Taja pia Genghis Khan munuh maioh mensia ngapa ngena chara ke kejam kena iya ngerembaika perintah iya. Laban ba penemu Genghis Khan semina ngena chara baka nya aja iya ulih munaska kayau anak ke balat amat nyadi kandang menoa nya. Enti orang ke alah dikayau iyanya manah, sida diambu iya ke kaban baka diri menyadi, diberi Temujin tu bebas, diberi iya harta enggau pangkat nitihka penau sida. Tang enti orang nya degil dia endor Temujin tu ke ganas lalu nganchurka semoa reta enggau bansa orang nya enggau enda beampun. Pengawa iya nyadi tuai disambung anak iya ke benama Ogodei enggau uchu iya ke benama Shizu tauka Kublai Khan.

Perintah menoa China maioh nengkebang ngaga utai ke diguna mensia dulu kelia. Iyanya baka temaga, mas, batu berega, engkeraju, besi, nulis enggau ngira, ngaga kertas, duit siling, kain sutera, ubat senapang enggau maioh utai bukai tang dilalaika ari orang bukai sampai Genghis Khan ngalahka sida.

Nitihka sejarah, bronze, copper enggau besi, utai tu udah ditemu mensia 7,000 taun ke udah lalu. Utai tu ditemu udah dikena mensia ari taun 7,000 – 3,300 B.C. Ari bronze, copper enggau besi tu mensia nemu ngaga duku lalu duku dikena ngaga perau. Perau dikena sida mindah sebelah tasek, ngelayang ngagai pulau siti pulau siti ke endor bala proto-malay tu temengkang. Tu rengat mensia pindah ari tanah besai ngagai pulau-pulau di Nusantara ngelayang tasek bekenaka perau ukai ngena akit tauka jalai kaki agi. Tu zaman deutero-malay. Pemindah mensia ari taun 5,000 B.C. Nyadi tu nyadika chara bansa Miao ke penudi datai ke Borneo. Sida betemu enggau bala proto-malay bansa Miao ke temengkang ba pulau-pulau Nunsantara baka Borneo. Udah tu bala proto-malay tu nadai kediri agi. Sida angka maioh betampil enggau bala Deutero-malay ke datai dudi. Pengawa mensia ke pindah ari tanah besai ke pulau-pulau ngena perau lalu disambung enggau penemu besi ke dikena mensia ngaga utai tajam lebih canggih agi dalam taun 1200. A.C. Perau nyau besai agi. Pejalai sida nyau jauh agi lalu ngerembai ngagai pulau-pulau di tasek pacific baka New Zealand enggau Pulau Solomon. Bala Dayak ke bejalai tu ketegal dibai orang bedagang, tauka bejalai matau menoa tauka nyadi lanun ngerumpak kapal bukai tauka rumah orang sebelah pulau ke ditemu sida. Sida tu mega maioh temengkang ba pulau-pulau laban perau sida angka rusak tauka enda ulih kena agi. Sida ke temengkang tu lalu nyadi orang ke tetap diau ba pulaunya, enda pulai agi ngagai menoa lama sida ba tanah besai Asia.

Bala Dayak ari batang Indus, Ganges, Irawady, Mekong enggau Red Sea angka kena bai bala sida saudagar nyadi injin bekayuh ka kapal ari menoa Arab, India enggau China. Bala Dayak tu sigi udah bisi temadon lalu maioh sida tu nyadi kuli kena jual nyadi ulun. Ba kapal tauka maia sangkai besinggahka barang bala mongoloid ke nyadi injin kapal betemu enggau bala negroid ke diambi nyadi kompas. Ditu meh maia sida betemu bebakih lalu bisi sekeda betampil enggau panggan diri ke ngujungka gamal sida setengah mongoloid enggau setenggah negroid. Sida ke bakatu nyadika penumbuh kaum siti di Nunsantara. Kelia sida ke belayar bakatu ukai semina laki aja. Bala indu pan bisi dibai nitihka peminta jeragan kapal. Perau tauka kapal ke dikena sida maioh sekali bejalai ukai siti aja. Lalu bala sida pan maioh. Berengkah ari tu penyampau tubuh mensia ba pulau siti pulau siti majak maioh laban mensia ke ari tanah besai nyau maioh semaioh nemu ngaga perau.

Nyadi pengawa belelang ngagai menoa orang tu udah nyadi siti chara pengidup bala Dayak zaman kelia lalu ditunda kitai sampaika seharitu. Agi ga bala Dayak endang sigi rindu belelang ke menoa orang. Ba cherita tuai enggau ensera pan madahka kitai Dayak sigi dikelandik ka bala tukuh ensera nyebut Dayak tu rindu belelang. Sida ke belelang tu baika nya kena jual orang tauka kedeka sida empu endang udah jalai pengidup sida. Sida enda natika diri pulai tauka enda. Nyadi pengawa belelang tu ke ngasuh Dayak ari tanah besai ngerekai ke pulau-pulau di Nunsantara nyengkaum pulau Borneo. Ari ulu sungai Indus, Ganges, Mekong, Red Sea sida nganti ba nanga batang sungai nya ngipa bala saudagar ke bisi kapal mai sida bekerja. Bisi sekeda endang dijual ketuai sida ngagai bala saudagar ba kapal laban pengawa beulun enggau bejualka mensia endang amat tebilang amat maianya. Nya siti jalai pengidup ke ngulihka utung ke besai, mudah enggau jampat.

Nambahka nya kaum Dayak tu bansa ke rajin kerja, kering gawa, lurus ati, taan ngelaban pemedis serta mit gaji tauka rega dibeli. Nya ke ngasuh bala saudagar rindu ngambi sida. Maia ke belayar nya sida kena bai orang ke Borneo lalu sekeda ninggalka diri lalu jadi enggau orang menoa nya mai adat chara sida ke baka Dayak. Sida tu udah maju agi ari orang asal ke mai orang asal idup nitihka chara sida. Bala southern mongoloid ari Taiwan angka dua bengkah chara sida ke pulau Borneo. Bisi sigi udah dulu bejalai darat nitih ka pulau-pulau semak Taiwan, Filipin enggau Borneo. Bisi sekeda kena bai bala saudagar ke dudi tu.

Kebuah aku nyebut dibai bala saudagar laban ba cherita tuai tauka ensera kitai Iban nadai bisi siko bisi madahka kitai Dayak betuaika diri empu ngagaka diri empu perau ke besai ari tanah besai pindah ke Borneo, semina Pengulu Kandunga ari menoa Kambuja aja. Ari cherita tuai mega maioh kitai nyebut kitai mindah tauka belelang ari ketegal bekuli ukai bedagang baka bansa bukai. Semadi nyau kemaiaritu iyanya dalam taun 1880an sekeda bala kitai Dayak ke begagaka perau enggau ngayau tauka bedagang baka O.K. Dana Bayang ke nyerang Pontianak. Maia tu kitai Dayak sigi udah terenah diau ba Borneo.

Bala saintis madah, berengkah ari taun 1990, ai tasek bisi niki kurang lebih 3.5 Millimeter setaun. Nyadi tiap taun ai tasek ke niki enda tentu sebaka. Nyadi 50,000 taun ke udah lalu tasek lebih kurang 150 Meter langkang ari kediatu. Penalam tasek ari Vietnam ke Sarawak nadai bisi lebih ari 100 Meter penalam. Enti baka taun 50,000 Y.B.P. kitai oleh ngaga jalai ari Sarawak ke Vietnam enda ibuh terebai ngena bilun.

  

Sundaland.

Enti kitai meratika rampa menoa South East Asia 60-20 ribu tahun sebedau pengada Jesus, dia kitai meratika semoa pulau ba South East Asia tu agi bejantil enggau panggan diri. Pulau Adaman, Sumatra, Malaya, Borneo, Jawa, Sulawasi, Filipin, Taiwan, Papua enggau Australia agi bejantil. Tanah ke bejantil tu dikumbai bala pemansik mensia Sundaland. Australia dikumbai sida Sahul. Tu meh maia mensia ke dikumbai Proto-malay datai ke Sundaland enggau Sahul. Sebengkah datai ari Afrika nebing tasek lalu rembus ke Sundaland. Sida tu ari bala negroid. Sebengkah ke dikumbai mongoloid, nurun ari menoa China ke Taiwan enggau Filipin sebedau ke Borneo. Sebengkah agi bala mongoloid tu, nurun ari menoa China nerasa menoa Indochina ngili sungai Mekong lalu rembus ke Sundaland.

Nyau kelama ai tasek majak dalam sedalam. Tanah ba Sundaland nyau bepulau-pulau. Ai tasek ari menoa China lalu nyegang ke pulau Malaya, Borneo, Thailand, Sumatra enggau Kambuja. Bakanya mega tasek ba Sulawasi enggau Sahul nyau nyegang ke Sumatra enggau Jawa. Tasek tu lalu belubah misahka tanah ba Sundaland nyadi pulau ke ngujungka Sahul, Sulawasi, Bali, Jawa, Sumatra, Borneo enggau filipin misah ari tanah besai Asia nyadi pulau baka ke kemaiaritu. Bisi sekeda beantaraka tasek ke pabo agi ulih dikelalang enggau akit. Bisi sekeda pulau nyau rapas mata dipeda enda ulih dikelayang agi baikanya ngena akit tauka nyemerai. Udah zaman ais ambih, menoa Sundaland lalu nyadi maioh pulau ke dikumbai pulau-pulau Nunsantara. Sekeda bala proto-malay tu baikanya mongoloid tauka negroid lalu temengkang serta tinggal ba pulau siti siti laban ai tasek enda ulih dikelayang sida agi. Bisinya mengkang ba Papua lalu nyadi Dayak asal Papua. Sida ke temengkang ba Sahul dikumbai Oborigine Native Australia. Bakanya mega ba pulau bukai. Maia tu sida lama ngidupka diri sechara idup kono nadai orang ngachau. Nadai nemu betanam betupi. Nadai nemu bekenaka besi. Nadai nemu ngaga rumah. Nadai bisi chara pengidup ke meruan. Sida baka jelu diau sebelah babas. Ngenduhka diri sebelah gua. Udah mensia ba tanah besai Asia nemu ngaga besi lalu nemu ngaga perau sida bejalai ngena perau matau menoa bukai, lalu tepedaka pulau siti pulau siti ba Nusantara. Sida lalu mupuk pindah ke pulau nya. Raban sida tu dikumbai bala penyelidik mensia Deutro-malay. Sida pindah dalam kandang 5,000 taun tu ke udah lalu.

Ditu mega kitai meda dua iti sungai ke besai ba Sundaland tu kelia. Siti benanga ba tasek antara menoa Filipin enggau China ke dikumbai South China Sea kemaritu. Tasek South China Sea maia nya agi mit ba antara Vietnam, China, Filipin enggau Sabah, bedau ngerembai nyegang besai ngagai menoa Malaya enggau Thailand. Tu tau dikumbai kitai South China Sea zaman Ais. Sungai ke benanga ba tasek South China Sea tu bisi dua iti chabang ke besai. Siti pelah kanan mudik lalu ulu iya nuju ke Sungai Chao Phraya di Thailand. Nyadi Sungai tu tau dikumbai Sungai Chao Phraya kelia. Sungai Mekong maia nya benanga ba Chao Phraya Kelia pelah ke kanan mudik lalu sungai Pahang di Malaya benanga ba Batang Chao Phraya Kelia pelah ke kiba mudik. Bisi ga siti da sungai ke besai agi benanga ba Batang Chao Phraya Kalia tauka nyauka sama muara enggau Chao Phraya kalia ba tasek South China Sea kelia. Sungai tu panjai lalu ulu iya nuju ke Sumatra Tengah nyambung Sungai Hari. Sungai tu tau dikumbai kitai Batang Hari laban iya beseradak ba sungai nya. Batang Kapuas, Batang Rajang, Batang Kemena angka benanga ba Batang Hari tu kelia.

Nyadi siti da sungai ke besai kelia ba Sundaland iyanya benanga ba tasek antara Sulawasi enggau Sahul. Sungai tu nerasa atas pulau Bali, Pulau Jawa lalu nutup ba sungai Sekampung ba bandar Lampung kemaiaritu. Sungai tu tau dikumbai kitai Batang Sekampung. Batang Kayan enggau sekeda sungai ba Kalimanttan Tengah benanga ba sungai tu.

Kelia mensia selalu mindah kin kitu nitihka arus ai sungai tauka nebing tasek. Sida ngulu sungai tauka ngili sungai.  Maia tanah Sundaland tu agi bisi, tu meh maia Proto-Malay baikanya Negroid tauka Mongoloid mindah kin kitu. Ari tu meh kitai nemu bala mongoloid proto-malay bansa Miao ari menoa Yunnan ke nyadi purih kitai Iban/Dayak mindah ke Sundaland. Bisi nya pindah ke Taiwan, lalu lanjur ke Filipin sebedau rembus ke Borneo. Bisi sekeda pindah ke Indochina, diau ba ulu Mekong lalu pindah ngili Batang Mekong, rembus ba nanga sungai ke benanga ba Batang Chao Phraya Kelia lalu ngili Batang Chao Phraya Kelia, tetemuka Batang Hari Kelia lalu ngulu sungainya, tetemuka Batang Rajang, Batang Kapuas endor sida tau datai ka Borneo. Bisi sekeda angka terus ngulu Batang Chao Phraya Kelia terus ke Thailand. Bisi sekeda angka ngulu sungai Pahang Kelia lalu terus ke Burma enggau ke Nagaland. Bisi sekeda ngulu Batang Hari lalu diau ba Sumatra. Sida tu pindah angka 20,000 taun tu ke udah. Maia tu sida ke mindah baka tu agi bejalai kaki. Sida baka jelu bedau bisi pengidup ke meruan, ulih niki kayu ke tinggi, bejelangkit sebelah puchuk kayu, makai sebarang utai, diau sebarang endur, bejalai laju enda milih ujan enggau panas. Nitihka pansik orang ke landik pasal mensia sida senang aja bejalai 50 kilometer sehari dalam babas. Kuching ke Miri enda sampai sebulan sida bejalai ke semina 800 Kilameter aja.

Nyadi enti kitai ulih teselamka barang dalam tanah baruh tasek South China Selatan ke endor Batang Chao Phraya Kelia enggau Batang Hari Kelia angka kitai tau tetemuka perengka proto-malay tu ke pindah.

Bala Negroid proto-malay tu sida maioh terus ari menoa Afrika, bejalai nebing ai tasek ari menoa Afrika ke menoa Arab, rembus ke India sebedau ngenataika diri ke Sundaland. Ari Sundaland sekeda terus ke Sahul. Sida tu sigi udah berengkah pindah ke Sundaland 50,000 taun ke udah.