PENYIMPUL  JAKO

Bup Penatai Asal Dayak tu siti ari Bup ke udah disemaiaka Watts dalam cherita Endorn Seduai Watts. Iya digaga ngading pendiau pengidup enggau penatai asal semoa mensia ke baka gamal Dayak di seluruh dunya tu lebih agi Dayak ba Afrika, Pakistan, Nagaland, Indochina, China, Taiwan, Indonesia, Filipin, Papua, Australia, New Zealand, Russia enggau Amerika awakka sida nemu bekelala, tau beambu diri menyadi serta jampat agi betulong pangan diri nuju singkang pemansang orang kemaiaritu.

Jako Dayak datai ari jako Kayan ke nyebut da ya. Reti nya orang ulu. Jako tu lalu dikena bala penulis Belanda lalu disambung sampaika seharitu. Jako Iban mega datai ari bansa Kayan ke ngumbai orang belelang nya hi van.

Ba Pulau Borneo, suku kaum Dayak tu anak teresak orang ke sigi udah lama diau mendam dia ke jadi melaki-bini enggau bala anak kuli ke datai ke Borneo ke dibai bala saudagar ari menoa bukai dulu kelia. Lebuh rembus ba Borneo sida tinggal lalu jadi nampil orang asal ke agi besegau sebelah babas. Sida landik agi ngatur pengidup lalu nyadi tuai mai budaya sida. 

Dayak Menoa China & Taiwan

Dayak America & Laos

 
 
Dayak Nagaland & Vietnam

Dayak Amazon & Taiwan

Dayak Papua & Flores Indonesia 

Dayak Afrika, India & Kalash Pakistan

Dayak Amazon & Vietnam

Dayak menoa bukai baka menoa Nagaland India, Indochina enggau Taiwan sigi dikelandikka bala saudagar ari Timur Tenggah, India, Indochina, China rajin gawa serta bagas, enda nemu ngelakar, taan ngelaban panas enggau ujan serta mit gaji tauka mit rega dibeli ari orang ke nyual sida. Nya ke ngasuh bala saudagar rindu mai sida.

Mensia ke sigi asal ba Borneo sigi udah lama datai ke pulau Borneo, zaman Batu Kudi, maia semoa pulau ba South East Asia tu ke agi bejantil enggau panggan diri ke dikumbai Sundaland enggau Sahul. Sida nya suku kaum bansa Miao ke besegau tungaka Utara Timur menoa China enggau bansa Negro di Afrika. Sida datai ke Borneo enggau Australia ngena darat. Sekeda raban bansa Miao tu enggau pindah ari menoa China rembus ke menoa Amerika ke nyadi Dayak menoa nyin. Sida pindah meraka Tanjung Baring maia Zaman Batu Kudi. Udah Tanjung Baring tengelam sida temengkul ba menoa Amerika kediatu.

Lebuh ai tasek nyau dalam, menoa Sundaland nyau nyadi pulau. Bansa Miao enggau Negro ke diau dia lalu mengkang ba pulau Nusantara enggau Australia. Sida tu Dayak kuno ke nadai bisi adat enggau budaya, agi baka jelu besegau sebelah babas.  

Siko pengulu ke benama Kundunga mai bala rari ari menoa Kambuja netapka diri di Samarinda serebak enggau pengada Jesus. Iya dijangka mensia ke bisi temadon terubah datai ba Nusantara. Ba Samarinda, iya numbuhka diri empu perintah ke dikumbai iya Kutai Martadipura lalu ngelar diri nyadi Raja Dayak Kutai. Menoa ke endor iya netapka diri di Samarinda, nyadi siti ari menoa ke dulu maju ba Nunsantara. Nya ke ngasuh maioh bala saudagar ari Timur Tenggah, India, Kambuja enggau China datai bedagang ngagai Borneo.

Perintah Raja Dayak Kutai tu dipelaba keterubah pun adat, budaya, tusun tunggu, asal jalai pengidup bansa Dayak ba Borneo tu nyadi.

G. Barling
MBA